Khazana

4.30 baje dono ek baar phir se statue ke niche mauzod kamro ke paas thi. Pahle dono abhisaar mudra waale statue waale kamre me ghusi. 

Yeh kamra baaki kamro se alag aur unse bara tha. 

Iss kamre me letne ke liye pathhar aur bahut hi chikni lakri ka ek bara sa bed laga tha. Yaha ka sandook baaki sabse chhota tha jo matra  2x2 ka tha. Paas hi ek mitti ke ek patra me jalane ke liye kaafi maatra me sungandhik lakria mauzod thi.  

Sandook me pathhar ke katore jaise kuchh patra bhi the jo andar se kaafi chikne the. Patra  ek chhoti si resmi potli ke upar rakha gaya tha. Arpita ne utsukatapurvak reshmi potli ko khola to usme se ek chhoti si kitab nikali. 

Dono ke chehre par iss chhoti kitab ke baato ko padh kar muskaan aa gayi. Isme different type ke massage oil banane ke technique likhe hue the jise istemaal karne se kaamagni badhti thi aur kuchk ka istemal yaun sambandhit rogo ke illaz me hota tha.

Aparijita ne ek sungandhit lakri ko iske liye banaye gaye stand me rak kar jala diya.

Jald hi waha kamagni ko bharkaane waali sungadh phail gai. 

 Aparijita ne aage badh kar Sandook ke andar dusri resmi potli ko uthaya. Arpita abhi tak pahle waali kitab hi haatho me pakre sugandh ke maaya paash me khoi hui thi.

Aparijita ne potli ko khola to usme matra 2 kitabe thi.

Pahli kitab yaun rog visheshagya banne ke taiyari karne waalo ke liye likhi gayi thi aur  thori jayda moti thi. Isme stri aur purush ke ango ke baare me bataya gaya tha. Uske baad usme kaamveg badhne par dono ke sarir me kya-kya parivartan aata hai, yeh sab kuchh vistaar se bataya gaya tha.  Kitab me kaafi chitra bhi bane hue the jo likhi gayi baato ko darsate the.  Iss kitab ke sabhi chitra itne sajeev lag rahe the maano wo abhi bol parengi. 

Arpita ne dursi kitab utha kar dekhi. Dusri kitab kaam-kriya par likhi gayi thi aur usme vargit jaisa kuchh nahi tha. 

Aparijita dono kitabo ko resmi potli me lapet kamre se bahar nikal gayi.

 Arpita sandook band kar jab tak bahar aai tab Aparijita laast kamre me ghus rahi thi. Uske haath me kitabe nahi dikh rahi thi. Sayad usne unhe bag me rakh diya tha. 

"Aru, yeh kamra surakshit hai. Jab tak main yaha ki kitabe dekhti hoon tab tak tu iss hisse me aane waale raaste se yaha tak sensors ka jaal bichha kar use Sarfraosh ke server aur yaha ke kuchh recording device se jor de." Aparijita kamre ke andar uske picche turnat pahunchi Arpita se kah rahi thi -" Yaha 20 kitabe hain jinme mujhe 30-40 minute lagenge tab tak tu udhar ka kaam nipta de taaki hum jab yaha se nikale to un devices ko on karte hue nikale!"

"Jo hukum, Mallikaa-e-aaliya !!" kahte hue Arpita ne Aparijita ko thora jhuk kar salam bajaya aur bahar nikal pari.

Bahar nikalte hi Arpita teji se bag ki or badhi. Wo Sarfarosh ke liye specially design kiye gaye spy gadgets le kar nikal pari. Uski furti dekhte hi banti thi. Use dekh kar lag raha tha jaise wo haar-maans ki larki naa hokar koi robot hai jisme bijli daur rahi hai.   

Idhar Aparijita teji se kitabo ko dekh rahi thi aur unka Title aur uske kuchh pages ke snaps Sarfarosh ke server par upload kar rahi thi. Yaha ki saari kitabe tantra se related thi. Inme se kai kitabo ke baare me Aparijita ne padha tha ki wo videshi aakramankario ke haatho nast ho chuke hai. Par yaha potli me daali gaye thithi ke hissab se yeh kitabe  videshi aakramankario ke Bharat aane ke pahle se surkshit rakhe gaye the.  15 kitabo ko to Aparijita ne 10 minute me listing karke ek taraf kar di thi.

Inn 15 kitabo ko ek alag resmi potli me rakha gaya tha aur sabhi saatwik tantra se related thi. Paas hi ek dusri resmi potli thi jise Aparijita ne aate hi gina tha aur wo 5 thi. Us waqt Aparijita ne dono ko alag-alag rakhne ki wajah par gaur nahi kiya tha.  Ab usne dhyan diya to paya ki  tantra ki yeh saari kitabe baam-panth (left hand) ke the.  

Baam-panth ke in kitabo me pasuo ki bali dwara sidhh kiye jaane waale vidhiyo ke aalaba sarab ka bhog deke ki jaane waali sadhano ka bhi jikra tha. Eisi teen kitabe thi par inme ek baat common thi ki isme  Panchamakara ke 4 M's ko to uske saabdik artho ko hi liya gaya tha par last M matlab maithuna ke baare me mana kiya gaya tha. Isme bataya gaya tha ki isme fisalne ki sambhavna bahut jayada hai isliye uske bagair prayog bataye gaye the. Aparijita ne in teeno  kitabo ke snaps jaldi-jaldi utara.

Baaki 2 kitabo me ek kitab aughar aur dusre tantra par thi aur  kaafi moti thi.  Usme kirayo ka varnan tha aur isme pahle teen kitabo me batayi gayi kai sadhanye aughar aur dusre gupt panth ke anusaar baatai gai thi. par isme dikhaye gaye chitra dekh kar jaydatar sadhak ise karne se sayad bhaag jaate hoge kyuki kuchh to bahut ghinoni thi. Aparijita ne  antim bachi kitab ko utha liya.

Jaise hi Aparijita ne kai panne palte to uski aankhe aascharya se khuli rah gayi. Aagnivesh ke kamar par jo mantra tatto ke rup me likha tha aur jiska matlab itne dino baad pata chala tha; wahi mantra yaha ek chitra me ek purush aur stri ke kamar par likhe dikh rahe the.  Dono chitra jo alag-lag panno me bane the, mil kar pura mantra bante the. Agale panne par likha tha ki sirf likh lene se yeh mantra kaam nahi karta hai balki use sadhna karke jaagrit karna parta hai. Aage uski vidhi di hui thi. 

Aparijita teji se use padhne lagi. Yeh kitab bilkul aasan bhasa me likhe hone ki wajah se Aparijita ko aasani se samjh aa rahi thi. Jaise-jaise wo panne palate jaati thi use apne aakho par viswaas hi nahi ho raha tha. Yaha dikhayi gai kai sadhano ko usne Aagnivesh ko karta dekha tha. Yaha un sabke baare me vistaar se varnan kiya gaya tha. Yaha likhi gayi detail padh kar Aparijita ne jaana ki yeh sadhnaye aur gyan paane ke liye ki jaa rahi thi. 

 Aparijita ne jaldi se laast ke dono kitabo ko apne saath lekar kamre se  bahar aa gayi.  Aparijita en do kitabo ko apne bag me rakh ke muri hi thi ki use Arpita aati dikh pari. Usne Arpita ko rukne ka issara kiya aur dono bag utha kar uski aur badhi.  Bag ab lagatar nikalti rahe chhezo se kaafi had tak halka ho chala tha. 

Arpita ne Aparijita se ek bag leke apne kandhe par dalte hue use kaise-kaise kaun-kaun sa gadgets lagaya gaya hai bata rahi thi.

"Aru, Tere kaam me to koi min-mekh nikalne ki gunjaais hi nahi rahti !!" Aparijita ne pyar se Arpita ke haatho ko thapthapte hue kaha - "Chal ab baaki ka kaam niptate hain!"

-----------------  * ---------------------------------*----------------------------* ------------------------

Dorahe se jab dono naye undekhe raaste par badhi tab tak gufa ke andar rosni bahut kam ho chuki thi. Wo mechanism jo bahar ki rosni ko kisi tarah se gufa ke andar laata tha ya to kisi wajah se iss hisse me kaam nahi kar raha tha ya phir jaan-bhujh kar iss hisse ko eisa banaya gaya tha. 

Dono ke haatho me saktisaali torch the jo khaas taur par Sarfarosh ke liye design kiye gaye the.  Aparijita ne torch on kar rakha tha. Torch se hi light iss tarah se nikal rahi thi ki uski rosni me gufa ke raaste ka niche se chhat tak ka hissa bahut hi saaf-saaf dikh raha tha. Iss torch ke focus ko set karke rosni ke daayre ko lambai ya churai me failaya jaa skata tha. Abhi Aparijita ne isse kam dayre me iss tarah se failaya hua tha ki 15 feet tak gufa ke raaste ka har kona saaf dikh raha tha.  Arpita ne torch normal mod me hi rakha tha, jise  wo bich-bich me jala kar saamne dur tak dekh leti thi.

Aage jaakar yeh raasta bhi ek hall numa jagah me khatam hua.  Yeh hall pahle waale se kai guna bara tha.

Aparijita aur Arpita ne jaldi se bag khol kar kuchh spy gadgets ko nikala aur kaam me jut gayi. 

5 Minute ke andar hi pura haal rosni se jagmaga raha tha. 

Iss hall me bakayda baithne ke liye kai chattano se bench banaye gaye the aur saath hi astro ko rakhne ke liye bhi stand the. 

Hall ke gate numa jagah ke paas deewar me 2  peetal ke kare lage hue the jinke waha hone ka koi maksad samajh me nahi aa raha tha.

"Aru, Jis trah se iss pure gufa ko design kiya gaya hai yaha koi bhi cheez be-maksad nahi ho sakti hai. In karo me bhi kuchh baat honi chahiye! Tu 4 kadam pichhe hat kar  mere baaye taraf  se mujhe cover de main ek baar inhe khich kar dekhna chahti hoon." 

"Apu, agar yeh kare vastav me khichne par kuchh kartab dikhane waale hain to bhi yeh naa jaane kitne sau saal se istemaal nahi hue hain, main tere saath aati hoon aur mil kar khichte hain " Arpita Aparijita ki aur bolte hue badhi .

"Nahi Apu, Iss haal me jis tarah ka arrangement hai us se lagta hai ki yaha kuchh eisa hona chahiye jo bahut beskimiti hai aur iss liye kare khichne par ho skata hai ki koi chor fanda (booby trap) khule; Isliye tu thora picche rah kar nazar rakh." 

Arpita yeh risk Aparijita ko naa dekar khud uthana chahti thi. Halaki usne kabhi kaha nahi tha par wo Aparijita ki jaan desh ke liye khud ki jaan se jayda beskimiti manti thi.  

Aparijita ne Arpita ko kisi tarah mana hi liya. 

Arpita Aparijita se dur jaa kar haath me gun liye khari ho gayi aur saath hi usne video camera ko recording mode par iss tarah se set kiya jis se Aparijita ka ek action bhi miss naa ho.

Aparijita pahle dheere se dono karo ko kheech kar dekhne lagi ki un karo ko neeche ke taraf khichna hai ya sidhe apni or.

Tab Aparijita ne thora jor laga ke karo ko niche ki aur kheecha jiska koi natija nahi nikala. Phir jaise ji Aparijita ne un karo ko jor laga kar apne aur kheecha jis se ek halki gargarahat ki awaaz sunai di.

Dono ne gaur kiya to paya ki wo awaaz hall me ghusne ke raaste ke dusre taraf se aai thi. Waha ki deewar thori hat si gai thi aur kuchh halka sa dhua sa phailne laga tha. 

"Aru, mask." Aparijita chillayi aur jhapat kar bag se oxygen mask ke saath aankho ko puri tarah cover karne waala chasma pahan liya.

Aparijita ke awaaz par idhar Arpita ne bhi teji se apne bag ki taraf chhalang laga kar khud ko chasma aur mask se surkhshit kar liya tha.

Hawa ki jaanch karne waale gadgets waha kisi behos karne waali gas ke mauzod hone ka indication de rahe the.  Yeh gas known tha isliye uske sparsh me aane se koi aur khatra nahi aane waala tha.

Dono us jagah ko check karne pahunchi. 

Us deewar ko gaur se dekhte hi unke samajh me aa gaya ki deewal ka yeh hissa un karo ko aur khichne se yaha se hat kar hall ke andar aane ke raaste ko band kar deta hai. 

Hall ko darwaaje ki tarah band karne waal hisse ko chhune par pata chala tha ki yeh lakri ka bana hua ek darwaja tha par uspar deewal ke color ka eisa paint kiya gaya tha ki wo gufa ki deewar ka hissa hi lagta tha. Darwaaje me kuchh eisa kaam kiya gaya tha jo use avedh (unbreakable) banata tha. Darwaaja itna mazbut tha ki Aparijita ke dwara light drill machine ko use karne par uska kuchh nahi bigara tha balki drill machin ka bit hi tut gaya.

Zald hi Arpita jo abhi alag hue deewal ke hisse ke taraf thi,  ne behoshi waale gas ke shotra ko dhundh nikala. 

Arpita ne gas jaha se phailti nikalti lag rahi thi uss hisse ko gaur se dekha phir magnifying glass lekar use dekhne lagi. Jald hi use darwaje me bane bahut baarik chhidra dikh gaye.

"Apu, tu un karo ko nicche se upar ki aur iss bar jor laga kar dhakelna."  Arpita ne Aparijita ko haatho ke issara se bataya.

Aparijita ne Arpita ke kahe mutabik iss baar karo ko niche ki taraf se upar ki aur jor laga kar dhakela.
Iss baar bhi pratyaksh taur par kuchh parivartan darwaaje me Aparijita ko naki dikha. Par dusri aur se darwaaje ko dekh rahi Arpita ki aankho ne dekh liya tha ki darwaaje ke baarik chhidra band hone lage the. Dekhte hi dekhte gas nikalna band ho gaya. 

Arpita muskurate hue anguthe aur tarjani ke sangam se Ok ka sign bana ke Aparijita ko signal diya. Aparijita ke chehre par bhi muskaan aa gayi. 

Arpita Aparijita ki or jaane ke liye muri hi thi uski nazar darwaaje ke pichhe ki deewar par pari jaha ek chhota sa hissa bahut hi halka ubhara hua tha. Arpita ki jagah koi dusra hota to use nazarandaaz kar deta ki yeh chattani banawat ke karan eisa hoga. Par  Arpita jisne yaha ki gayi enginnering ka kamal dekha tha wo katai maanne ko taiyar nahi thi ki yaha  galti se kaam hona rah gaya hai.
Arpita ne waha pahunch kar jor se us ubhare hisse ko halka sa dabaya.

 Arpita ke eisa karte hi wahi paas me ek dusra chhota sa hissa ubhar kar saamne aa gaya aur saath hi me darwaaje ke upari hisse se halki safed dhua ke roop me dusri gas nikalne lagi. Dekhte hi dekhte iss nayi gas ne pahle waale gas ko bedam kar diya. Gadgets  vatavaran normal hone ka indication de rahe the. Yeh dekh kar dono ne mask aur glass utar diya. 

 "Apu, yeh to kamaal ki kaarigari hai. Ek to iss lakri ke darwaaje me pata nahi kya istemaal kiya hai ki yeh itna mazbut ban gaya hai.  Dusra behosi waale gas aur uske khatam karne waali gas ka mechanism bhi gazab ka hai. " Arpita Aparijita ke paas aate hue boli.

"Sahi kah rahi ho, Aru! Praachin bharat ka gyan bhi kamaal ka tha; par bahut limited logo  tak inhe restrict kar dene ke kaaran unlogo ke naa rahne ki wajah se yeh dheere-dheere gayab hi ho gaya. Agar  gyan par itni paabandiya nahi lagai gai hoti to sayad naa to hum kisi ke gulam bante aur naa hi aaj ke viksit deso se picche rahte! " Aparijita ne gahri saans lete hue kaha.

Arpita bhi Aparijita ki baat sunkar gambhir ho gayi thi. Koi dusra bhi gyan prapt karke unke aage naa nikal jaaye Irshaya ki bhavna  ne ek guru desh ko andhkaar ki or le aaya tha. 

 Aparaijita ne Arpita ke kandhe par haath rakha aur  ek geet gungunane lagi .

dil naa ummid to nahi naakaam hi to hai
lambi hai gam ki shaam magar shaam hi to hai

ye safar bahut hai kathin magar na udaas ho mere hamasafar
ye safar bahut hai kathin magar na udaas ho mere hamasafar
na udaas ho mere hamasafar 

You tube link for song

 "Chhor! Yeh pravachan ki baaten! Chal kaam par lagte hain." Aparijita ne khayalo ki dunia me khoi Arpita ke sar ko pyar se sahlati hui boli.

Dono alag-alag hall ke hisse ko check karne lagi.  

Hall ke andar un 2 peetal ke karo ke aalaba kisi bhi deewar me kanhi kuchh aur nahi laga tha.  Phir bhi Arpita aur Aparijita ne ek-ek deewal ko tatol kar, baja kar dekha; par kanhi se bhi koi gupt raasta kholne ka intazaam nahi dikh raha tha. 

Jitne chattani bench waha lagi thi us se lag raha tha ki yaha kam se kam 50 log baith sakte the. Yeh bench iss tarah se lagi hui thi jis se yeh pata chal raha tha ki wo yaha kisi meeting  ke liye nahi lagayi gai hai. 

"Aru, Jis tarah se yaha suraksha ka bandobast kiya gaya hai us se yaha koi na koi khufia raasta zaroor hona chahiye. Humne deewaro ko check kar liya hai. Ab saara dhyan bench ke aas-paas lagana parega. Tujhe wo bahar ki deewar waali sketch to yaad hi hogi. Dekh uska ek indication to sahi hi nikala. Hanso waali direction me hume gyan ka sagar mila. Yeh bakhubi gyan ke devi ke vahan ke roop me indicate kiya gaya tha. "

"Apu, mujhe dhyan hai. Tu sahi kah rahi hai.  Iss waale direction me Ullu the aur ullu dhan ki devi ka vahan hota hai; iska matlab iss taraf dhan chhupa kar rakha jaata hoga!" Arpita ki uttejit awaaz aai.
"Tune theek samjha, Aru. Abhi agar yaha dhan nahi bhi ho to kam se kam wo khupia jagah to yehi mauzod hoga kyuki yeh maanne waali baat nahi hai ki jis jagah ko itna chhupaya gaya ho waha khazana yu hi hall me rakhe jaate honge !"

Dono alag-alag disha se ek ek bench aur uske aas-paas ke area ko check karne lagi.

20 minute ke baad Aparijita ne Arpita ko apne  paas bulaya.

"Aru, In jurwe bench ko dekh. Yeh ek-dusre se pith sataye rakhe gaye hain. Saare bench iss tarah banye gaye hain ki in par peeth  tikaye baithaye vayaktio ka chehra hall ke darwaaje ki taraf ho. Par yaha eisa nahi hai. Dusri baat yaha itni jagah hai ki iss jore ki dusri bench ko kanhi bhi lagaya jaa sakta tha. Isliye iske yaha hone ki kuchh khas wajah honi hi chahiye. Tu gaur se inko aapas me  jorne waali lakari ke handle  ko dekh. " Aparijita ne ek lakri ke handle jaise hisse ko dikhate hue kaha - " yeh kuchh jayda chikna hai aur lagta hai jaise iss par jor-aahmais hoti rahi hogi. Par iski position ko dekh kar iski koi wajah nahi samajh aati kyuki waha haath lagane ke liye vishesh prayash karna parega. "

Arpita gaur se lakriyo ke un handles jaise cheejo ko dekhne lagi jo dono bench ko aapas me jor rahi thi.

"Apu, tu thik kahti hai! Koi bhi shaksh jo bench par baithega uske liye baithe hue yaha haath pahunchana kathin  hai ." Arpita bolti hui bench ke upar chadh gayi.

 Arpita ne haath niche karke jhuk kar handle ko pakar kar pahle dabaya aur phir puri jor laga kar use daaye aur baayen ghumane ki kosis ki. 

Ghumane ki kosis karne par Arpita ko mahsoos hua ki handle halki si ghumi hai.  Dobara kosis karne par wo tas se mas nahi hui. 

"Apu, isse ghumane me meri madad kar. " 

Aparijita dusre bench par jaakar khari ho gayi aur handle ke apne taraf ke chhor ko jhuk kar pakar liya.

Aparijita ne Arpita ke bataye disha me uske saath mil kar jor se handle ko ghumane ki kosis ki.

Handle 1 inch ke daayre me ghuma par kuchh nahi hua.

Handle ke ghumne se utsaahit hokar unhone iss bar puri takat laga kar handle ko ghumane ki kosis ki.

Isske saath hi jo hua us se unki aankhe aascharya se phail gayi . 

Halki ghargharahat ke saath Aparijita ke trafa ke becnh ke nicche ki farsh alag hone lagi aur dekhte hi dekhte Arpita aur Aparijita ek dusre se 10 feet alag-alag apne bech par khari thee. 

Aparijita ke taraf waale hisse me ek raasta khul gaya tha.

Waha niche jaane ke liye sidhiya dikh rahi thi. 

Niche andhera tha aur haal ki jitni light waha tak pahunch rahi thi us se lagta tha ki nicche kam se kam 15-20 sidhiya hogi.

Lakri ka wo handle Arpita ke taraf waale bench me laga hua tha. Aparijita aur Arpita ne milkar handle ko iss baar  jor se ulte taraf ghumaya to wo khula raasta band hone laga.

Kuchh palo baad dono bench pahle ki tarah jure hue the.

Ek baar phir se khupiya raasta khola gaya. 

Arpita ne chhoti si toy plane ko remote ke jariye us raaste me bhej diya. 

Toy plane chhoti magar bahut hi saktisaali flashlight aur camera se attach thi. Iss toy plane me hawa ko check karne ka bhi instrument laga tha. 

Dono us toy plane dwara bheje jaa rahe feeds ko dekh rahi thi. 

Andar kai bare-bare kamre bane the aur bakayda unki suraksha dene ke liye pahredaaro ko baithne ka bhi bandobast tha.  Kamre andar jaane waale galiyaare ke dono taraf bane hue the.  Yaha masaal ko jagah-jagah dewaal me lagane ke liye masaal stand dikh rahe the jinme kanhi- kanhi masale bhi rkhe dikh rahe the. 

Kucch kamre bilkul khali dikh rahe the. Ek kamre me kuchh panels lage dikhe.  Inn panels ke bagal me hi kai chhote bare peetal ke gol handles dikh rahe the. Saath hi waha kucch likha bhi tha.  Aparijita ne sanskrit me likhe sabdo ko padha. Waha kai lakri kr drums bhi rakhe dikh rahe the. 

Woh panels upar se raasta band kar dene par andar hawa pahunchane ke liye kuchh gupt jharoke kholti thi jo andar taaji hawa pahunchati thi.  Har handle ke uske saath jure jharoke ke baare me bataya gaya tha aur saath hi unke maintenance se sambandhit kitabo ke baare me batya gaya tha. Dewaaro par ek vishesh kism ka paint kiya gaya tha. Zameen ke andar hone ke babjud waha jitni nami honi chahiye thi wo waha nahi thi. 

Ek kamre me mandir bana hua tha jaha puja me chadhaye gaye sukhe phool aur paate abhi bhi pare hue the. Naa jaane yeh abhi tak kaise surakshit the.

Kucch kamro me lakri ke bare-bare sandook aur drum dikh rahe the.  Ek kamre me ek pathhar ka table aur  4 pathhar ke hi kursiya lagi thi. Table par ek chhoti si nakkasidar lakri ka ek dabba rakha tha.

Toy plane ki madad se aadhe ghante me dono ne waha mauzod  hawa ke baare me jaan liya ki waha jaane me koi khatra nahi hai aur saath hi sarsari taur par us undekhe jagah ka bhi jaayza le liya tha. 

Dono nicche jaane ko taiyar thi.

 Nicche pahuch kar Aparijita ne pahla kaam panels ko on karke hawa ke liye banye gaye jharoko ko khol diya. Iske baad wo waha mauzod lakri ke drum par likhe gaye sabdo ko padhne lagi jo ek istruction tha jo masalo ko jalane ke liye wha mauzod saamgri se chemical banane ke baare me tha.

Aparijita ne drum par likhe instruction ke anusaar drum me mauzod samagri ko kuchh masalo me dala. Drum me ek pathhar ki bari katori bhi thi jisme usne ek lakri ke chhote bakse me mauzod samagri daal kar instrcution ke mutabik paani daal kar thori der tak ghol sa banati rahi. Ghol ban jaane ke baad wo us ghol ko masalo me abhi daale gaye samagri daalne lagi. 

Arpita chup-chaap Aparijita ki kriya-kalap ko dekh rahi thi. 

Aparijita ab ek lakri ke tukre se masaal me muzod samagri ko daale gaye ghol se mila rahi thi. Ek baar yeh kaam ho jaane ke baad Aparijita ek lighter ki madad se ek masaal ko jalane ki kosis karne lagi.

Iske baad jo hua us se Arpita ki aankhe vismay ke karan puri tarah se phail gayi. 

Masaal jal chuki thi aur kamal ye tha ki jalte masal se bheeni-bheeni khusbu aa rahi thi. Aamtaur par masaal jalane par jo dhua nikalta hai wo band jagaho ke liye bahut nuksaandeh hota hai; par yaha to sthithi alag hi thi. Yaha paida ho rahi halki halki dhuye ki lakir halki khusbu faila rahi thi aur gadgets bata rahe the ki yeh dhuye ki lakeer nuksaandeh nahi hai.

 "Apu, inn sab ko dekh kar lagta hai ki kai chhejo me hum aaj ke daur ke bhartiya pahle ke daur se kaafi peeche hain. Agar hum issi gyan ko aage le jaate to hum aaj bhi jagatGuru hote!" Arpita ke munh se ek misirit awaz nikali. 

Jaha ek aur Arpita ko iss baat ki khushi thi usne aaj adbhut jyan ka pradarsan dekha hai wahi iss baat ka dukh tha ki yeh gyan muthhi bhar logo tak simit rahne ke kaaran dheere-dheere lupt sa ho gaya nahi to aaj desh bahoot aage hota.

"Aru, sach to yeh hai ki bare se bare vidyavan aur gyani vaykatiyo me bhi mil rahi prasnasa ko jakar kar rakhne ki chahat aa jaati hai aur wo kisi dusre ko apna competitor nahi dekhna chahte hai. Yeh problem kal bhi thi aur aaj bhi hai. Aaj gyan ke asimit sadhan hone ke karan ab gyan ko dusre tak naa pahunchne dena muskil sa ho gaya hai. " Aparijita ek lambi saans chhorte hue aage bol rahi thi --"Yeh sirf vaykatiyo tak simit nahi hai balki desh bhi isme saamil hai. Bharat ko parmanu gyan naa mile iske liye technology ke ustaad desho ne kitna jatan kiya magar Bharat ne yeh gyan prapt kar hi liya. "

Aparijita ne dheere se Arpita ke dhudhi ko pyar se pakar ka uske chehre ko dheere se 2-3 baar hilaya.
"Udaas naa ho meri sakhi!" Aparijita ke chehre par phir wahi khildari muskan thi -"Humne apni galtaio se sikha hai. Ab gyan par kisi tarah ki pabandi nahi hai aur isse har deserving candidate paa sakta hai. "

Aparijita ne ek masaal sidhiyo ke paas laga diya aur baaki  thori- thori dur par laga diya.  Arpita ne iss bich kai saare masaal unke stand se nikal kar le aayi. 

Thori hi der me dono ne pure galiyaare ko masaalo ki rosni se rosan kar diya. Masalo se nikalne waali khusbu-daar halke dhuye me ek aur khashiyat thi, yeh man ko praful bana rahi thi.

Camera recording mode par laga kar dono ek-ek kamre ki talasi lene lagi. Iske pahle Arpita ne masal ko jalane ke liye banayi gai samagri ki vidhi Sarfarosh ke server par upload kar di thi. 

Suruaat ke kuchh kamre khali the. Iske baad wo jis kamre ke paas pahunchi wo band tha aur use kholne ke liye peetal ke hatte lage the. Iska darwaaja zameen ke andar se bahar aata dikh raha tha. Jo insaan yaha ki gayi engineering ke karnammo se anjaan hota wo is darwaje ko bhi dewaar ka hissa hi samjhta. 

Is baar Arpita ne Aparijita ko peeche rahne ka ishara karke peetal ke hatto ko khicha. Pahle to kuchh bhi fark nahi para par jab ne jor lagaya to kamre ka darwaja halki gargarahat ke saath neeche khiskne laga.

Darwaja khulne ke baabjud dono ne kai minute bahar wait kiya taaki kamre ke andar bahar se hawa jaa sake aur saath hi hawa ko check karne ke apne gadgets se kamre ke andar ke halat ka jayza liya.

Andar jaane layak vatavaran ka signal milte hi dono andar ki or badh chali. 

Dono ke haath me ek-ek masaal tha. 

Aparijita ne ghuste hi side me lage masal-stand me masal laga diya jabki Arpita ne abhi bhi haath me masaal pakar rakha tha.

Unke saamne lakri ke bare-bare ayatakar box rakhe the.  Arpita masaal liye aage badhi aur box ko dekhne lagi. Box ko lohe ke kilo se band kiya gaya tha. Arpita ne masaal ko dusre box ke bich phasa kar khara kar diya.

Arpita ne box ko kholne ke liye apne bag se kuch auzar nikale aur use kholne ka prayash karne lagi. Iske pahle usne gadgets se yeh pata kar liya tha ki iss box ke andar koi thosh metal hai. 

Aparijita ki salah par Arpita ne thori duri banate hue auzaro se us box ko kholne ka prayash karne lagi. Arpita ko dhyan aa gaya ki kaise ek mission ke dauran Misra me ek purane box ko kholne ke dauarn kuchh log namak ke tejaab se ghayal ho gaye the. 

Jab box bilkul khulne ko ho gaya to Arpita picche hat  gayi aur bag se kuchh aur auzar nikal laayi. usne inko aapas me iss tarah se jora ki wo dur se apne ugli ke zumbish  se box khol sakti thi. 

Dono picche ki or hati aur phir Arpita ne box ko kholne ke liye apni ungli ko harkart di. Agle hi pal box ka upar ka hissa alag hua para tha. 

Box ke khulte hi kamre me peeli rosni phail gayi. Dono utsuk kadmo se aage ki aur badhi.

Box ke paas jaate hi unke munh se vismaykari siski nikal pari. Dono ne kab ek dusre ke   haatho ko pakar liya tha, yeh unhe bhi pata nahi chala. Andar sone ki chhote-chhote eite karine se sajayi gayi thi. In eito par ek singhasan par baithe raja ka chitra ukera gaya tha.

Aparijita ne gaur kiya to paya jis taraf Arpita ne pahle box kholne ka prayash suru kiya tha udhar ke hisse me ek khas nissan bana hua tha jo baaki box me the. Yeh dekh kar Aparijita ne Arpita ka  dhyan iss aur aakarshit kiya.

"Aru, hum baaki box bhi issi taraf se kholne ka prayash karenge. Yeh dekh yaha" Aparijita box ke upari kinaaro ko dekha rahi thi. - " Us hisse ko chhor baaki 3 taraf false kile lagi hui thi. Wo lakri ke andar gayi hi nahi thi."

Arpita ne unhe gaur se dekhte hue apna sar hilaya.

"Aru, aur dekh!" Aparijita box ke andar lage ek lever jaise lohe ke rod ko dikhaya -"Jab box ko iss taraf se kholne ka prayash kiya gaya to dabab iss lever par para aur isne box ko khol diya. Hakikat me iss taraf ke bhi kile sirf bharam paida karne ke liye hain kyuki saare kilo ko nikalne se bhi box nahi khulta jab tak ki iss lever par dabab nahi prta. Bakai me lajabab karigari hai. "

"Apu, Mera to ji chah raha hai kisi tarah me us yug me pahunch jaau aur us waqt ke gaynio se kahu ki aap gyan ko baante nahi to yeh gyan lupt ho jayega!" Arpita ke chehre par rosh dikh raha tha.
Dono ek-ek box ko check karne lagi. 

Aadhe ghante ke andar unhone saare box khol daale. Sabme sone ki eite rakhi thi. Yaha arabo rupaye ka sona rakha tha. Aparijita ne sone ko gadgets se check kiya to paya ki wo 24  karat ke the isliye unme wo mazbooti nahi thi jo 18-20 karat ke sone me hoti hai. 

Dono ne phir unhe ek-ek karke band karna suru kiya. Kuchh box khali bhi the aur unme kagaj ka tukra rakha tha jisme inhe kab aur kinke aadesh par nikala gaya yeh likha tha. Dono ne har us box par jisme sona tha nisaan banaye aur use Arpita ke signature dwara seal kar diya gaya.

Iss bich camera apna kaam karta raha. Kamre ko phir se peetal ke hatte ki madad se band kar diya gaya. Arpita dusre kamre ki aur badh hi rahi thi Aparijita ne use rok diya aur abhi ke recording ko Sarfarosh ke server par upload karne lagi. 

Ek baar phir dono baaki kamro ki or badh chali. Agle 2.5 ghanto me dono ne sab kamro ki talasi le li thi. Ek aur band kamre me sona mila tha aur wahi ek lakri ke drum me heere bhare pare the. Kucch kamre jo khule the unke andar mauzod box aur drum jayadatar khali the aur unme waisi hi note dwara bataya gaya tha ki unhe kab khali kiya gaya. Baaki drum me sone aur chandi ke sikke  bhare hue the. Kul mila kar waha kharabo ka daulat tha. 

Abhi dono us kamre me the jaha patthar ki mej aur kursiya lagi thi.

Bagair ruke machine ki tarah box aur drum ki talasi lene ke karan dono buri tarah thak gayi thi aur unke badan se pasina abiral bah raha tha. Inhone 2.5 ghanto me wo kaam kar liya tha jo dusre 4-5 ghante se kam me naa kar paate. Saath hi inhone iski information tak Sarfarosh ke server par upload kar di thi.

Abhi dono ek-ek kursi par baithi lambi-lambi saanse lene ke baad yogic relaxation technique se khud ko relax kar rahi thi. 10 minute me hi unhone khud ko kaafi relax kar liya. Ek baar phir unki nazar mej par pari nakkasidar lakri ka khubsurat dabbe par gayi. 

Aparijita ne jaise hi us dabbe ko khola uske munh se ek vismaykari jor ki siski nikal pari. 

Arpita daur kar uske paas aayi aur jaise hi usne jhank kar us dabbe me dekha to uska munh khula ka khula rah gaya.

Arpita ne Aparijita ke kamar me haath daal kar use pakar liya.

Tilasmi Gufa

Aparijita aur Arpita kuchh dur aage badhne ke baad ek doraahe par khari thi.

Doraahe ko dekhte hi Aparijita ke hontho par muskaan aa gayi use apna andaaza sahi saabit hone ka yaqeen ho gaya.

"Aru, pahle hum baaye taraf ke raaste par nissan banate hue aage badhenge. "  

Aparijita ne fluorescent marker se raaste me andar jaane se pahle nissan bana diya. Arpita ne waha mauzod kuchh chhote pattharo se ek symbol bana diya.

"Aru, agar mera anumaan sahi hai to hum apni zindagi ki sabse bari khoj ki or badh rahe hain." 

Arpita ne muskurate huye Aparijita ki or dekha. Aparijita ka chehra aane waale palo ke baare me soch kar damak raha tha.

"Apu, kal main tumhe batana bhul hi gai thi. Ek naya software Sarfarosh se jora gaya hai jo Sanskrit ko Hindi me translate kar deta hai. Maine Aagnivesh ke kamar me likhe tatto waale mantra ke scan copy ko usme daala tha jiska translation bilkul sahi aaya tha. Yeh government ke liye  prachin grantho  par research karne ke liye banwaya gaya hai aur yeh scan copy se khud hi likhe sabdo ko chhant kar translate kar deta hai. Saath hi isme manually kucch sabdo ko badha aur ghata bhi sakte hai. Yeh software hume kal subah hi mila hai." 

"Lagta hai, aaj sayad iska upyog jam kar hone waala hai." Aparijita ne muskurate hue kaha.

Aparijita ki baat par Arpita pahle to thora chauki phir uske samjah me aa gaya ki Aparijita ko aaj bhi kuchh mantro se sambandhit cheeje milne ki umeed hai.

Dono baat karte aur raaste par nisaan lagate hue aage badh rahe the. Bahar se koi nahi kah sakta tha ki andar se yeh gufa itni bari hogi. Aascharya ki baat thi ki itna andar aane ke baabjud abhi tak gufa me madhyam si rosni kaayam thi. Yeh ek nayab engineering ka karnaama tha jo kisi tarah se bahar ki rosni ko andar pahuncha raha tha. Saath hi me kanhi se taaji hawa gufa me aa rahi thi. Phir bhi lambe samay se kisi ke kadamo ki aahat ko taraste iss gufa me halki si band jagaho waali ahsaas rah hi gayi thi.

 Thori dur aur aage jaane ke baad yeh raasta ek bahut bare haal rupi jagah par khatam ho gaya. Iss jagah par saikro log baith sakte the aur yaha bahar se jyada rosni thi. Yaha itni rosni dekh kar dono aascharyachakit si ek-dusre ko dekh  rahi thi. 

Dono haal ko ghum-ghum kar dekhne lagi. Haal ki teeno deewalo se lagbhag sati thori thori dur par kai murtiya(statue) khari thi.  Inme se ek me kai yudha dikh rahe the jo alag-alag tarah ke hathiyaar ke saath the; to kisi me koi bujurg kisi ko kuchh kah raha tha, ek statue shringaar karti mahila ki thi wahi ek statue ek mahila aur sisu ki bhi thi, ek statue me ek purush aur mahila kapro samet abhisaar mudra me the.  Wahi ek statue me baidya kuch rogiyo ka upchaar kar rahe the. Ek satute in sabse alag antim sanskar ko darsa rahi thi jisme chitagni ke paas khare vyakti ke bhaavo ko darsaya gaya tha.  In saari statue se alag dur ek kone me ek statue thi jisme ek vayakti nagn hokar kisi tantrik kriya ko kar raha tha wahi ek vaykati ko saatwik tarike se hawan karte dikhaya gaya tha. Iss tarah jeevan ka har rang yaha statue ki madad se darsaya gaya tha.

Hall ko bariki se dekhne se unke smajh me yaha jayda tej rosni ki wajah samjah me aa gayi. Yaha ki dewaaro me ek khaas tarah ka paint kiya gaya tha jo us se takraati rosni ko aur kai guna badha kar wapas lauta rahi thi; aur saath me un deewaro me bhi kai row ke roop me kuchh eise patthar lagaye gaye the jo aag me tape lohe ki tarah surkh rosni de raha tha.  Arpita ne aur check karne ke liye apne helmet me lage light ko jala-bujha kar dekha. Har baar helmet ki light parte hi waha aur tej rosni phail jaati thi.

"Apu, eisi karigari ke baare me  to maine ab tak sirf kahaniyo me hi padha tha par aaj isse sach bhi hota dekh liya." Arpita ne ullashit swar me kahte hue Aparijita ke haatho ko thaam liya.  

Arpita ke vaywaar iss waqt school jaati us baachi ki tarah thi jo kisi aascharya-janak ghatna ko apne khaas saheli ko batate waqt karti  hai. 

"Aru, Mera vishwaas hai ki hume abhi aur bahut kuchh dekhne ko milega !" Aparijita ne Arpita ke haatho ko thapthapate hue kaha.

"Mujhe iss baat ki bahut khushi hai ki tu iss waqt mere saath hai. Mere man me kanhi aasha thi ki inn gupt gufao me hume zarror kuchh nayab cheeze dekhne ko milegi. Saikro saalo se band gufa jo tilasmi dhang se banayi gayi ho usme kai anjaan khatre ho sakte the aur unko explore karne ke liye mujhe ek eisa saathi chahiye tha jo har mamle me bemisaal ho. Aur tujhse behatar to koi ho hi nahi sakta tha.

Aru, mera viswaas hai ki in statue ko sirf yaha pradasni ke liye nahi rakha gaya hai balki inke yaha hone ki koi aur bhi wajah honi chahiye. Main iss waale statue ko check karti ho tu bagal waali ko dekh. " kahte hue Aparijita ek statue ki or badh use chaaro taraf se gaur se dekhne lagi. 

Aparijita aur Arpita statue ko chaaro taraf se gaur se dekh bhi rahi thi aur bich-bich me unke kucch hiiso ko chhu kar, daba kar dekh bhi rahi thi. Statue par kucch dhool bhi jami hui thi jiske kaaran dono ne dastaane pahan liye the. 

Ek baar dono ne statue ko dekhne ke baad ek-dusre dwara dekhe gaye statue ko compare karne ke liye aage badhi.

Zaldi hi unhone dono statue me ek esia pattern dhoondh nikala jo un me common tha aur jise bahoot khubsurati se iss tarah se banaya gaya tha jo statue ka hi hissa hote huye bhi ek tarah se chhipa bhi hua tha.

Dono ne aapas me discuss kiya aur us par amal karne ko aage badhi.

Iss bar Arpita aage badhi. Aparijita dono guns nikal kar thori dur jaa kar kisi khatre se nipatne ko taiyar ho gayi.

Arpita ne jaise hi uss khas pattern ke ek hisse par dabab dalna suru kiya to statue ke pairo ke paas se zameen sarkane lagi. 

Jab zameen sarkana band hua tab dono ne dekha ki waha se nicche utrane ke liye chhoti-chhoti sidhiya dikhne lagi thi.

Arpita jo un sidhiyo ki nazdeek thi, ne jhaak kar nicche dekha to uski aankhe aascharya se khuli rah gayi.  Niche ek kamra sa bana tha jisme pathar ke mej aur kursiya dikh rahi thi.  Nicche bhi acchi rosni thi. 

Arpita ne Aparijita ko bataya ki wo nicche utar kar chek karne waali hai. Par Aparijita ne use thora rukne ko kah waha ki video banane lagi. Video me waha rakhi har satatue ko qaid karne ke baad usne chhupe kamre ke kholne ke tarike ko bhi qaid kar Sarfarosh ke server par upload karne lagi.  Iske baad usne Arpita ko aage badhne ka ishara kar diya.

Arpita dono haatho me guns thaame nicche utarne lagi.  

Niche utarte hi Arpita ko waha ho rahi rosni ki wajah samajh me aa gayi. Andar kisi dhatu ke aaina jaisi cheezo ko lagaya gaya tha jo aa rahi rosni ko kai angle se kamre me kai guna badha kar faila rahi thi. Saath hi waha in aaine rupi cheezo ko band karne ka bhi intazam tha. Yaha ke deewaro me upar ki tarah hi paint kiya gaya tha. kamre par rosni ke liye kai bare-bare pathhar ki deepak bhi banaye gaye the.Kamre ke ek kone me pathhar ka ek bara sanduk sa dikh raha tha.

Aparijita ab tak upar sidhiyo ke paas khari ho gayi thi. Uske haatho me abhi bhi gun thi.

Arpita ko kamre ke dusre kone me pathhar ki ek bari si katori dikhayi di, jisme kuchh raakh sa para tha. Paas hi me 3-4 patthar ke chhote tukre pare the jise dekhte hi wo samajh gayi ki inhe takra kar aag paida ki jaati hogi.

Arpita apne guns holster me daal katori ko hata kar uske andar pari raakh jaisi cheez ka jaayza liya. Wo use wapas rakh hi rahi thi ki uski nazar katori ke hatane se khali hui jagah par pari jaha aakritiya bani hui thi jisme ek mahila kuchh lakriyo ko katori me rakh kar pathharo ki ragar se jala rahi thi.
Arpita ne Aparijita ko bataya ki wo sandook ko kholne ka prayaas karne waali hai aur sandook ki or badh gayi. 

Arpirta sandook ki chaaro or se jaayza lene lagi.

Zald hi Arpirta ne sandook ke nichle hisse me dono taraf 2 lever jaisi cheez dhoodh nikali. Iss lever ke banabat ko dekhne se lgata tha ki uspar pair se  dawab daalte hoge. 

Arpita ne pahle lever par halke se ek pair se dabab dala par kuchh bhi nahi hua to wo   us lever par apne ek pair par pure sarir ka bhaar daal kar khari ho gayi. 

Halki se awaaz ke saath Arpita ki taraf ka sandook ka upari hissa thora upar utha aur phir sidha ho kar side me khara niche aane laga. Yeh hissa lever se kuchh upar hi ruk gaya. 

Arpita ne sandook ke andar jhank kar dekha. Andar resmi kapro me lipati kuchh cheeze dikh rahi thi. Arpita ne ek resmi potli ko uthaya aur uske gaanthe kholne lagi.  

Kapre ke andar ki vastu ko dekh kar Arpita ki aankhe khushi aur ullas se chamak uthi. Andar kisi khal par bahut hi sunhare aksharo me likhi ek pustak thi.

Arpita ne sandook ke dusre hisse ko khol kar dekha aur sabkuchh thik paa kar Aparijita ko andar aane ke liye kaha.

Andar aa kar Aparijita ne jab sabkuchh dekha to uski bhi aankhe khushi se chamkane lagi.

Aparijita ne sandook ke ek kone se ek resmi potli se kuchh andekhi lakariya baramad ki aur unhe katori me dikhaye tarke se rakh kar jala diya.

Turant hi kamre me ek manmohini khusbu phail gayi. Iss khusbu me kuchh eisa tha jo man ko shanti pradan kar raha tha. Idhar un lkariyo me bhi khubi dikhayi di. 

Pahli baar jalne ke baad unme lagi aag bujh gayi thi par wo bahut hi dheeme-dheeme andar se sulag rahi thi.  Lagta tha ki in lkariyo me bhi kuchh eisa kiya gaya tha jis se yeh andar se dheemi gati me sulagti rahti thi aur usse paida hone waali khusbu uske dono siro se phutati rahti thi. 

Sandook me 100 ke karib kitabe the. Arpita ko yaha ka detail Sarfarosh ke server me upload karne ko kah kar Aparijita phir se hall me aa gayi.

Aparijita ne haal me ghusne ke thore pahle laser waali surksha rekha khich di jise paar karte hi hall me ek alram bajne lagta. Saath hi usne chhote-chhote kai spy camera kai jagah lagaye jo apne feed hall me rakhe ek spy gadegts ko de rahe the aur jise unke paas sthit gadgets me bhi dekha jaa sakta tha. 

Aparijita ne thane ke landline number milaya. Dusre taraf Harilaal tha.

Harilal se Premnagar ke logo ki bich kal ki ghatna ko lekar ho rahe partikriya ko janne ke baad usne Ghanshyam ke baare me puchha to pata chala ki wo round par gaya hua hai. Phone rakhte-rakhte Ghanshyam ka call aa gaya. 

Aparijita ne Ghanshyam ko Javed aur Ramdayal se sampark kar unke saath Daduli saadi vardi me unke gaari me hi jaane ko kaha. Wahi Harilal ko Ganga Kaki ke saath Premnagar me kuchh logo se milkar waha chal rahi halchal ko bhaapne ko kaha. Aparijita unse kuchh der tak kin-kin baato ka dhyan rakhna hai aur kin baato ko avoid karna hai, in par baat karti rahi.

Aparijita apne experience se jaanti thi ki tension waale maahul me galat sabdo ka prayog kai baar paristhithi ko sudharne ke liye ki jaa rahi prayash ko naa sirf palita laga dete hai balki paristhithi ko aur bhi bigaar dete hai, isliye usne unhe pahle hi warn kar diya.

Aparijita dono bags utha kar Arpita ke paas phunchi tab tak Arpita sabhi kitabo ka front page server par upload kar chuki thi. Usne sandook ke band krane aur kholne ke tarike ko bhi usme upload kar diya tha. 

Kamre ke andar phaili khsubu ne man ko ekdam shant bana diya tha. 

Dono ne ek-ek kitab uthayi aur alag alag mej par baith kar unhe dekhne lagi. 

Ye kitaabe Sanskrit me likhi gayi thi aur unme kai chitra (drawing) bhi bane hue the. Aparijita ne jab sanketik bhasha me inn gupt gufao ka chitra dekha tha usi waqt waha likhi gayi kuchh Sanskrit ki panktiyo se samjah liya tha ki use aage sayad Sanskrit ki zaroorat pare, isliye wo agle hi din se Sarfarosh par available fast track course se Sanskrit ko samjah rahi thi. Schooling ke samay uska ek subject Sanskrit bhi tha isliye use kam samay me hi kaamchalyu Sanskrit aa gaya tha. 

Aparijita ne kitab me likhe sabdo par gaur kiya to use bahar mauzod statue ka maksad  samajh me aa gaya. Statue me ek shantchitt dadhi waala bujurg vayakti ek bargard ke per ke niche baith kar apne saamne baithe purusho aur mahilayo  ko,  jo har umra ke the, kuchh bata raha tha.  Kitaab ke kai chapters ko sarsari nigaah se padhne se hi pata chal gaya ki yeh niti-shastra ki bemisaal pustak thi. 

Iss kitab me likhi baaten kaaljayi (jo har kaal ke liye laabhprad ) thi jo aaj ke yug ke liye utni hi prasangik thi jitni us waqt thi. Kitab ki bhasha itni saral thi ki wo Aparijita ke samjh me aa rahi thi. Uss kitab ko likhe waale agyaat rishi ke jyan ke sanmaan me Aparijita ne apne band hontho se shardha-suman arpit kiye.

Idhar Arpita apne paas ki kitab ke kai pages ke photo Sanskrit waale application par upload karke uske translation ko padh rahi thi. Ek-do pages dekhte hi uske bhi samjah me statue aur yaha ki kaitabo ka sambandh samajh me aa gaya. 

Yaha mauzod har kitab ke har page ko translate karna ek waqt khane waala kaam tha isliye Arpita  front page ke saath andar ke 10 pages ke photo server par daalti jaa rahi thi. Usne Aparijita ko kuchh bolne ke liye sar uthaya to use kitab me bilkul duba paya;  Arpita ke chehre par muskaan aa gayi aur wo Aparijita ko disturb kiye bagair sandook ke paas jaa baaki kitabo ke photos zaldi-zaldi server par daalne lagi. 

Arpita ke haath machine ki tarah kaam kar rahe the. Aadhe ghante ke andar hi usne 99 kitabo ke photos server par upload kar diya tha. 

Arpita muskurati hui Aparijita ke paas phunchi aur dheere se apne haatho ko uske kandho par rakha. 
Aparijita ka dhyan tuta aur usne pichhe mur kar dekha to use  Arpita ka muskurata chehra nazar aaya. Turant hi wo us kitab ke sabdo ke jadu se bahar aa gayi aur uske hontho par bhi ek pyari se muskan chha gayi.

"Rani shahiba, hume baaki statue ke niche bane kamro ko bhi dekhna hai. Iske baad dusre raaste ko bhi check karna hai. Aap apna gyan-vardhan baad me kar lijiyega!" Arpita ki sarart bhari awaaz us kamre me khanki.

"Sorry, Aru! Maine  jab iss kitab ko thora sa padha to isske chhoti kahani ke madhyam se neeti ki baaten jis khubsurati se kahi gayi hai, me kho si gayi aur pata hi nahi chala ki kab main ek ke baad ek kahani padhti chali gayi. " Aparijita ne jhepte hue kaha.

"Apu, isme tera kasoor nahi hai. Yeh to us anzaan lekhak ke lekhni ka kamaal hai jisne tumhe apne sabdo ke jaal me phaas liya." Arpita ne Aprijita ke baalo ko sahlaate hue anuraag bhare swar me kaha.

"Chal jaldi se iske kuchh photo mujhe lene  de taaki iss sandook ko band karke hum baaki ko dekh sake !!" Arpita ne kaha aur jaldi-jaldi photo lene lagi.  

Arpita ne iss kitab ko sandook me band karne ke bajaye use bag me eithihaat se kapre me lapet kar rakh diya. 

Aparijita ne Arpita ki or dekha to usne kaha ki iske har pages ke snaps uske liye lene ke baad kal isse phir se yaha rakh diya jayega.   

-------------------------------   *   -----------------------   *   -----------------------------------*  -----

Agle 3 ghanto me unhone abhisaar mudra waale statue aur tantrik kriyao waale statue ko chhor kar baaki sabhi statue waale kamro ko check kar liya tha. Pahla neeti ki kitabo waala kamra hi eisa tha jisme jyada kitabe thi . Baaki sabme 20-30 kitabe the. Par ek cheej sabme common thi ki yaha jo bhi kitabe thee wo aaj (Sarfarosh ke records ke mutabik)  kanhi aur uplabdh nahi tha aur naa hi unka jikra kisi bhi booklist me available thi. Haan inme se kai kaitabo ka jikra kuchh prachin kaitabo me reference ke taur par kiya gaya tha;  saath me yeh bhi bataya gaya tha ki yeh kitabe ab kisi wajah se uplabdh nahi hai. Ek khaas baat aur thi; har kamre me mauzod lakrio me sayad kuchh aur jari-buti milaye gaye the jiske karan paida honewaali khusbu alag alag thi aur wo statue ke theme se match karti thi. 

Har statue aur uske niche ke kamre me mauzod kitaabe related thi jinme mahilayo ke shringaar se klekar baacho ke parawarish tak ki baato se related kitabe thi. 

Vaidya waale statue ke andar ke kamre me prachin surgery se lekar per-paudho se aushadhi banane ki padhti ka jikra tha jo nischit taur par ek chikitsa vigyan ke liye ek vardan rupi khoj thi.

Yodhao waale sataue ke kamare me kuchh andekhe hathiyaar bhi the aur un kitabo me varnit baato ko padh kar Arpita aur Aprijita ki aankhe aaschaya se khuli rah gayi thi. In kitabo me different type ke sena ke vyuh rachana ke baare me bataya gaya tha. Saath hi kuchh kitabo me prachin vayuyaan se lekar adhunik top jaise dikhne waale hathiyaaro ka bhi jikra tha aur saath me eise hathiyaar bhi dikhaye gaye the jo agar abhi bhi available ho to yudh ka paasa palat dete. Yeh kitaabe to nischit taur par Sarfarosh aur kuchh aur gupt sarkari research organisation me jaane waale the.

3 baj chuke the aur dono kuchh bhookh aur thakan bhi mahsoos kar rahi thi.  Iske babjud dono ke chehra iss gyan rupi khazane ko pakar khushi se damak rahe the.

Aparijita ne bag se mattress nikal kar hall me bichaya aur phir uspar bag se khane-peene ki cheeze nikalne lagi.

3.30 baje khana khane ke baad Aparijita ne Ajay Rai ko video call lagai.

Ajay Rai ko ab tak mili gyan rupi khazane ke baare me batane par unhone bhi iss eitahasik aur vaigyanik kitabo ke milne par khushi zaahir ki. Ajay Rai ne unhe bataya ki parso subah hi Sarfarosh ke research se juri team ke saath defence ke gupt research team se jure log waha aayenge aur waha ki saari cheezo ko research center le jaayenge. Unhone Aparijita aur Arpita ko unke iss khoj ke liye protashit kiya aur unhe kal raat tak sabhi chhezo ko waha se hatane ke liye esitamtion dene ke liye kaha.

Ajay Rai ne jab  prachin vayuyaan se related kitaab ki kuchh pages ke scan copy dekha to unke munh se sirf ek sabd nikala , "Adbhut!" Iske baad unhone Arpita aur Aparijita ko gupt rup se abhi chal rahi prachin vayuyaan se jure kuchh research ke baare me bataya.

Ajay Rai ne prashansha bhare swar me bataya ki Premnagar wale mission ke liye Aparijita ke aalaba koi dusra milna impossible tha.  Mission se diectly related naa hote hue bhi Aparijita ne inn Gufao ko naa sirf dhoondh nikala tha balki khud aage badh kar gufao ko explore karke yeh gyan rupi khazane ko bhi dhoodh nikala tha, is baat ke liyeAparijita ki zordaar taarif ki. Iss mission me Arpita dwara ki gayi madad ko bhi unhone saraha.

Ajay Rai se mili saabasi aur kitabo ki importnace jaan kar dono ko kafi harsh hua. 

Aparijita ne Arpita ko thora rest karne ko kaha aur use jabardasti mattress par lita diya. 

Aparijita ne Ghanshyam ko phone laga ke waha ki khoj-khabar li. Aaj ke din me abhi tak Premnagar thane ke area me koi bhi apriya ghtana nahi hui thi. Round laga kar laute teams ne bhi shaanti ki hi khabar di thi; haan yeh zaroor tha ki Dadauli ka mahaul gamzada tha; par waha bhi Premnagar waalo se badla lene waali koi baat nahi chal rahi thi.  Dadauli  ke log apne bujurgo ki iss baat ko maan gaye the ki Premnagar ke bande ki van ko unme phoot dalne ke liye istemaal kiya gaya tha. Isme Premnagar waale bande ki apni saakh ka bhi aham role tha jo logo ki madad karne ke liye jaana jaata tha aur Dadauli ka koi ghar eisa nahi tha jinke wo kaam na aaya ho.  Ulte log uspar taras dikha rahe the ki bhalmanashat ke badle ab use court aur thane ke chakkar lagana parega.

Aparijita ne Ghanshyam se baat karke Javed ko phone lagake us se  Dadauli jaa kar kya aur kaise karna hai uspar kuchh der baat karti rahi. 

 Baate khatam karke Aparijita bhi Arpita ki bagal me thori der ke liye let gayi.

------------------****************---------------------------*********------------

Jungle Adventure

Dusra din , 7.30 baje Arpita aur Aparijita dono breakfast kar aaj ke adventure ke liye bag pack kar rahi thi. Aparijita ne aaj ke liye kuchh special gadgets mangwaaye the.

 
Drone ka destination set karke Aparijita ne pahle hi use rawana kar chuki thi.  Aaj Aparijita ne apne regular bag ki jagah ek bare camping  bag ko taiyar kiya tha jo takriban teen tihai bhara hua tha.  

Wo log nikalne hi waale the ki Aparijita ka mobile baj utha. Dusre taraf Ajay Rai the jo video call kar rahe the.

"Good morning, chief uncle."  Aparijita ne phone uthate hi greet kiya.

"Good moning, bete. Kya Arpita bhi tumhare saath hai."

"Good morning, chief uncle. Main yahi hoon." Arpita ne bhi greet kiya.

Aparijita ne sofe par baithte hue mobile saamne pare table par rakh diya. Arpita bhi uske paas aakar baith gayi.

"Kal raat hi kaabil agents ko promote karne aur naye agents ko sarfarosh me lene ka decision le liya gaya tha aur uske baad ek ghante ke andar hi sabko information bhi de di gayi hai. Tum dono ne apna kaam itni acchi se nibhaya ki mera kaam bahoot asaan ho gaya. Khaskar Aparijita jis tarah se tumne Premnagar ke mission me vyast hote hue bhi kaam ko anzaam diya wo kaabile taarif hai. "  Ajay Rai apne dono senior aur sabse bharosemand agents ki taarif karte huye kaha.

"Chief uncle, Premnagar waale mission me Arpita aur Arvind ne meri bahoot madad ki nahi to itni jaldi itna kaam nahi ho pata." 

Aparijita ki baat sunate hi Ajay Rai ke hontho par wo muskan aa gayi jo ek pita ko apne baccho ke acche kaam karte dekh kar aati hai. Wo bhali-bhati jaanate the ki Aparijita ne Premnagar me bina kisi ke madad  ke waha ho rahi gatividhiyo ko iss tarah se istemaal kar liya ki aaj ke date me Premnagar ka 75% mission pura ho chuka tha. Aparijita jis tarah se apne saathiyo ka hosala-afzai karti thi aur unhe credit deti thi us se uske saath kaam karne waale uski bahut izzat karte the aur apne normal ability se jayda josh aur hosh se kaam karte the.  Iske kaaran Aparijita ki team ek eisi fauz me tabdil ho jaati thi jiska har mission kamyabi ke ssathw hi khatam hota tha.  

Halaki Arpita Aparijita se Sarfarosh me senior thi par jaise hi usne paaya ki Aparijita us se jayada kaabil hai to uske dil me Aparijita ke liye izzat aur pyar aur bhi badh gaya. Halaki dono ke bich saheliyo wala apnapan aur khulapan tha par jab bhi mission ki baat hoti to wo Aparijita ki baat ko apni baat par tarjeeh deti. Aaj ke date me Aparijita aur Arpita dono Sarfarosh ke eise assets the jinhone unhe diye gaye saare mission ko kamyabi se pura kiya tha. Aaj keSarfarosh ke sabse bharosemand agents me pahle inka hi naam aata tha. Aaj jaha har chhetra me purso ka bolbala tha waha iss khatarnak kaam me dono ne eisi jagah banai thi ki koi unpar koi ungli tak nahi utha pata tha.
 

"Arvind ke under me kuchh agents diye gaye hai jo aaj saam se hi Arvind ko report karenge. Arvind Arpita aur tumhe report karega. Arvind pahle ki tarah tumhe Premnagar waale mission me madad ke liye mauzod rahega. Aasa hai ki 4-5 din ke andar hi hume professional planner ka pata chal jayega. Iske aalaba bhi hum dusre agencies se bhi sampark me hain. Har agency apne taur par alert hai aur kisi bhi tarah ke aatankbaadi hamle se nipatne ki taiyari me lagi hai. Par iss professional ke maidan me aa jane se mamla kucch pechida ho gaya hai aur kuchh pata nahi chal raha hai. Isliye humne naak ghuma kar pakrne ki sochi aur lagta hai ki professional waale matter me hume jald hi safalta mil jayegi.  Arpita to sayad aaj aur kal bhi tunhare paas rukne waali hai? "Ajay Rai ne Aparijita se puccha.

Aparijita ne kaise in gufao ka naksa (map) paya tha aur use waha se kya umeed hai; yeh sab Ajay Rai ko batane ke baad Arpita ko iss kaam ke liye chunane ki wajah bhi batayi. 

"Chief uncle agar pahle gufa me kuchh nahi mila to Arpita kal subah hi yaha se laut jayegi; nahi to parso subah wo jaayegi. Is bich hum baaki team se sampark me rahenge."

"OK. Tum dono apna khyal rakhna aur lage ki iss kaam me khatra jayda hai to isse nakxali waala mamla nipatne tak multabi kar dena. Best of luck, mere bachho!" Ajay Rai ki sneh bhari awaaz aayi.
"Good bye, uncle!" Arpita aur Aparijita dono ne greet kiya.

Ajay Rai me ek gair mamuli khubi thi. jaha wo apne agents ko apne baccho ki tarah pyar karte the wahi un par ek sakht prashask ki tarah nazar rakhte the jiske karan koi Sarfarosh ke usulo ko chherne ki kosis nahi karta tha. 

Arpita aur Aparijita ne Arvind ko phone kar uske promotion ki  badhai  di. 

Arpita Arvind se uske duty responsibilty aur baaki baato ke baare me discuss karne lagi. 

Iss bich Aparijita ne kucch soch kar phir se Arpita ka laaya suitcase khola aur usme se dibba band khane ki packets nikalne lagi, jo usne mangwaaye to apne dusre adventures ke liye the par sayad aaj hi unhe istemaal karne ka waqt aa gaya tha. Aparijita ne zaldi se apne paas mauzod saaman se kucch cheeje nikal kar pahle pack hiking bag me daale.  Jab tak Arpita Arvind se baat khatam karke uske paas pahunchi tab tak Aparijita ek aur hiking bag pack kar chuki thi jo pahle waale se chhoti thi. Arpita ne gaur se bare hiking bag ko dekha jo ab upar tak bhara nazar aa raha tha.

------------------------------------------------------------------------------------

8.30 baje bike par Arpita aur Aparijita us gupt gufao ki aur nikal pari. Aparijita ne bike kisi bhi policewaali ki nazar se bacha kar nikaali thi.  

Dono ne iss waqt cargo shirt aur pant ke hiking shoes pahan rakhi thi. Dono ke shirt ke niche solder holsters me 2-2 revolver chippe hue the.   Arpita ke peeth par lade bare sa hiking bag ne use puri tarah se picche se chhipa liya tha; yeh bag bike par baithe Arpita ke sar se bhi 6 inch upar jaa raha tha. Aparijita ne apne saamne ek hiking bag baandh rakha tha. Bike ke tanki se bari khubsurti se rassi (climbing rope) baandhi gayi thi. 

Aparijita ne kisi ke nazar me aane se bachne ke liye bike ko jungle ke raaste me ghusa diya. Aparijita jungle me bhi bike tej speed me hi maharat se chala rahi thi. 

Takriban 20-25 minute ke baad Arpita ke kandhe thapthapane par Aparijita ne bike roki. Bike ke rukte hi Aparijita ko Arpita ke rukne ke isshare ki wajah samjh me aa gayi aur uske chehre par ek payari si muskaan aa gayi. 

Aparijita to aajkal eise nazare dekh-dekh kar aadi ho chui thi par Arpita ke liye wo ek eisa lamha tha jo bari muskil se zindgi me aata hai. 

Kucch dur par hirano ka ek jhund char raha tha jisme bahut saare chhote bacche the jo aapas me apne chhote-chhote sing lara kar masti kar rahe the yaa phir apni maayo ke aage-picche uchhalte hue tedhi-medhi chaal me chal rahe the.  Inki ucchal-kud se bekhabar safed khargosho ka ek  jhund hari-hari ghaas char raha tha. Unhe dekh kar yun lagta tha jaise kisi ne rui ke gole bana kar ghaas par biccha gaya ho. Paas hi ek chhota sa jharna bah raha tha jis ke aas-paas bahut hi khubsurat jungli phool khile hue the. Jharne ki taraf se hawa phulo ki manbhawan khusbu udhar se Arpita aur Aparijita ki taraf laa rahi thi. 

Jharne ke paas ek morni pucch utha kar kuchh kha rahi thi ki tabhi waha ek mor dikhayi diya. Inke dekhte hi dekhte mor ne morni ko aakarsit karne ke liye naachna suru kar diya.

Arpita ne bike se utarte hi bag bike par rakh apne mobile ke saktisaali camera se snaps utarne me lagi hui thi. Aparijite ne Arpita ko snaps lete dekha to usne bhi apni bag bike ke bagal me rakh diya. 

Arpita ne jab morni ki or mor ko aate dekha to usne mobile video recording par laga diya. Wo bilkul dam saadhe prem ki anunay-vinay ke lamhe ko apne mobile me qaid kar rahi thi. Thori der me hi morni ne mor ke pranay nivedan ko accept kar liya aur dono jharne ke picche kanhi gum ho gaye.

Recording khatam hote hi Arpita daur kar Aparijita ki aur badhi aur use baaho me bhar liya.

"Apu, tere kaaran aaj prakirti ki god me ek khubsurat nazara dekhne ko mila!"    

"Ssade naal rahoge to eise hi aish karoge" Aparijita ne muskurate huye kaha.

"Apu! Aaj to mera bhi man Dilip kumar ki tarah Mukesh ki gaaye gaane ko gaane ka kar raha hai!" Arpita ne apni baahe failate hue kaha.

"To tujhe ruka kisne hai!  Chal suru ho jaa!" Aparijita  ne Arpita ko chherte huye kaha.

Agle hi pal Arpita ke mithe gale se Mukesh ka amar geet ke bol hawa me mithas gholne laga . 

suhaanaa safar aur ye mausam hasi 
hame dar hai ham kho na jaae kahi

Youtube link of this beautiful song

Arpita jab gaa rahi thi tabhi ek chhota hiran apni masum kajrari aakho se  use dekh raha tha. Usne aaj tak eisa swar kanhi nahi suna tha.  Usne apni chhoti zindagi me sirf panchhiyo ko gaate suna tha. Wo aascharya chakit tha. Wo aur karib se dekhne aur iss nayi awaz ko janane ke liyeArpita ki or khicha chala aa raha tha. Use dekh kar uske do saathi bhi uske picche chal pare the.

Aparijita ne jab unhe apni aur aate dekha to usne apne agal-bagal se hari-hari mulayam ghaas ukhar kar Arpita ki haatho me de diya. Chhota hiran Arpita ke bilkul karib aa kar khara ho gaya to Arpita ne gaate hue ghaas uski aur badhaya jise usne khana suru kar diya. Arpita apne dusre haath se hiarn ko sahla rahi thi.

Tabhi us hiran ki maa waha aati dikh pari jo do pairo waale bagair dum ke jaanwaro ko dekh kar thora khaufzada thi. Gaana khatam hone ke baad bhi Arpita apne nanhe dost ko sahla rahi thi.  Chhote hiran ne apni maa ke aankho me jald lautne ka farman padha aur wapas lautne laga; lautate waqt wo ek baar phir picche ghum ab tak ghutno par baithi Arpita ke gaalo ko chaat kar apna sneh dikha bhaag kar apni maa ki or chal para. Hiran ki maa ne apne jhund me lautne ke baad naa jane kya bol diya ki saare hiran waha se dusri aur jaane lage.

"Aru, chal chalte hai."  Aparijita ne Arpita ke kandho ko thapthapte hue kaha.

--------------------------

Dono phir apne manzil ki aur badh chali. Raaste me kai manbhavan drisya saamne aa rahe the par iss bar wo sidhe apne manzil par jaa kar hi ruke. Drone pahle se hi ek per ke upar hibernate state me sthir tha. 

Aparijita ne bike waha mauzod jhario me chhupa  diya.

 
Aparijita sidhe khare chhtano ke paas khari thi. Wo thori der tak waha kinare khare pero aur chattano ko check karti rahi. Ek jagah santust hokar usne Arpita ko issara kiya. Arpita ne bhi santust ho kar apna sar hilaya.

Aparijita ne bare hiking bag se tree climbing wali rassi nikali aur use agale hi pal uchhal kar per ke eise daal par set kar diya jo matra 20 feet hi ucha tha magar uski daal aage badh kar chattano se bahar ki taraf jaa rahi thi jiske karan us par niche se expert banda/bandi wapas aane ke liye rassi baandh sakta tha. 

Aparijita sabse pahle niche utari; phir dono bag niche utaare gaye. Uske baad Arpita ke utarte hi Aparijita ne rassi bhi khol kar utar li. 

Aparijita aur Arpita bag utha kar ek gufa ki aur chal paree. Aparijita aage chalte hue Arpita ko kuchh batane ke liye picche muri to uski nazar ek khoh par pari jaha par drone ko rakha jaa sakta tha. Us jagah se gufa ke muhane ke aalaba bike waali jagah bhi drone ke range me aa jaati.   

Aparijita ne turant drone ko per se hata kar naye jagah par adjust kiya. Yaha par kuchh sukhe jungli paudho ke karan drone bilkul chhup sa gaya tha par uske cameras us angle se manmaafik range me snaps lene me samartha the. Aparijita ne drone ko phir se hibernate state me daal diya.  Wo bich-bich me sirf uska camera ke snaps use karne waali thi jiske liye bahut kam power consumption hona tha.

Agle kuchh hi minutes me wo dono gufa ke muhane par pahunch gayi thi. Aaj mobile ke saath-saath unke paas satellite phone bhi tha. Gufa ke muhane par pahunch kar Aparijita ne mobile ka signal check kiya jo thik-thaak tha. 

-------------------------

Ab tak 10 baj chuke the. 

Aparijita thane ka number mila kar Ghanshyam se kuchh der tak baat karti rahi.

Idhar Arpita ne Aparijita ke nirdesaanusaar yaha ka location Sarfarosh ke server par feed kar diya.

Thori der baad dono gufa me pravesh kar chuke the aur chalte-chalte un aakritio ke paas pahunchte huye the jin me iss band deewal ko kholne ka raaj chhupa tha. 

Aparijita ne gupt point par dono haatho se takat laga kar dabab daalna suru kiya to saamne se gufa ki dewaal hatne lagi. Jald hi waha ek mokhla sa khul gaya jisme se ek insaan andar ghush sakta tha. 

Arpita uske andar ghusne hi jaa rahi thi ki Aparijita ne uska haath thaam kar use rok diya. Arpita jaise achanak se hosh me wapas aayi aur use utsukta me apne uthaye kadam par thori sharmindgi bhi mahsoos hui. 

Aparijita bag se kuchh cheeje bahar nikal kar rakhne lagi. Idhar Arpita ne gufa ke darwaje ke kholne ka technique bhi server par upload kar diya aur aakar Aparijita ka haath batane lagi. 

Agale hi pal dono kuchh spy gadgets waha lagane lagi jo kisi bhi aahat par active ho kar unhe yaha ho rahi gatividhiya ek dusre gadgets ki madad se dikha sakti thi. Unhone waha gadgets iss tarah se lagaye jo kisi ke nazar me nahi aane waale the. 

Iske baad dono ne apne sarir par eise gadgets baadhe jo hawa me mauzod jahreeli gas aur dusre baato ka information deti thi. Dono ne shoulder holster ko shirt ke upar se baadh liya aur unki magzine check kiya. Aaj Aparijita bhi police revolver ki jagah Arpita ki tarah Sarfarosh ki 30 rounds baali semi automatic pistol laayi thi. 

Dono ne cargo ki jebo me magzines ke kuchh extra pack daale. Aparijita ka bharosemand shikari chaku uski belt me bandh chuka tha. Dono ne kamar me chhote magar bahut hi saktisaali torch bhi baandh rakha tha. 

Aparijita ne un aakritio me mauzod ek dusre gupt sanket par dabab dalna suru kiya to wo khula raasta band hone laga. 

"Aru tu bahar ruk main andar ki taraf check karti hoon. Iss dewaal ke paas hi andar bhi eisi hi ek arrangement hona chahiye jis se gufa ka raasta andar se band kiya jaa sake. Main andar jaa kar darwaaja band aur khol kar us mechanism ko check karti hoon aur koi garbar hone par tu bahar se darwaja khol dena. Mujhe yeh bhi dekhna hai ki darwaja pura kyu nahi khul raha hai jabki isse pura khulna chahiye tha."

Arpita ko bol kar Aparijita us khule raaste me ghus gayi. 

Andar bahar se halki rosni jaa rahi thi par wo kaafi nahi tha. 

Aparijita ne torch jala li. Andar umeed ke viprit hawa utni sili hui nahi thi jitna itne dino se band hone ki wajah se hona chahiye tha. Kucch minutes me hi Aparijita ne apne kaam ki aakritio ko dhundh nikal kar unhe check kar chuki thi. 

Issi duran Aparijita ne dekha ki upar se patthar tut kar girne se darwaja kholne aur band karne ka mechanism ek jagah phasta hai jiske karan darwaja pura khul nahi paa raha tha. Aparijita ne us mechanism ke daanto me phase patthar ke tukro ko nikal phenka. 

Iss ke baad jaise hi Aparijita ne darwaje ko andar se band karke khola to iss bar darwaja pura khul gaya. 

Darwaaja ab 8 feet chaura tha. Darwaje ko pura khulte dekh dono ke chehre par vijay bhari muskaan aa gayi.  

Bahar ke taaji hawa andar teji se aane lagi thi.

Tabhi Aparijita ki nigah ek dewaal par bane deepak ki akirti par pari jo thora jayda hi ubhare hue the. Aparijita thore der tak unhe gaur se dekhti rahi phir unko dono haatho se dabab daal kar dhakelne ka prayash kiya. 

Agle hi pal deepak deewal me dhas chuka tha aur naa jane kaha se gufa me taaji hawa aane lagi thi aur saath me hi gufa ke andar halki se rosni bhi ho gayi thi. 

Aparijita ne andar ki taraf se darwaaje kholne waali aakirtio ki gaur se dekha to paya ki wahi paas me naa jane kaha se ek deepak ki akirti ubhar aayi hai jo pahle waale ki tarah hi ubhari hui hai.  

Aparijita ne use jaise hi dabaya to rosni ka naya shrot band ho gaya aur saath hi gufa ke andar se aane waali taaji hawa bhi band ho gayi.  

Aparijita ek baar phir se pahle waale deepak ko daba bahar aa gayi. 

Bahar aake wo Arpita ko un mechanism ke baare me batane lagi. Arpita ne andar jaa kar unhe dekhne ke liye apne kadam badhaye hi the ki Aparijita ne use yeh kah kar rok diya ki thori der me gufa me puri taraf taaji hawa bhar jayegi tab dono andar jaayenge. 

Tabhi Arpita ke paas Arvind ka phone aaya jo iss waqt Sonbhadra me apne team se milne ke baad use report de raha tha. Usne apni next steps Arpita se discuss kiya.

Gufa ke darwaaje ke pura khulne ke karan ek gadget useful nahi rah gaya tha isliye uski position Aparijita ne change karke theek kiya.  Aparijita ne drone ki camera ki madad se ek baar chaaro or ka jaayza liya. 

Sara vatavaran shant tha. kabhi kabhi yeh shanti kisi gujrate panchhiyo ki jhund ki chachahat se tutati thi aur uske baad phir se wahi sannata chha jata tha.

Thori der tak Arvind se hui baato par discussion karne ke baad dono andar ki or chal pari. 

Andar aate hi iss bar Arpita ne darwaja andar ki taraf ki aakriti ke gupt point se band kiya aur dusri deewar par bane deepak ki aakriti ko daba diya. Andar naa jaane kaha se phir se taaji hawa aane lagi aur halki si rosni bhi aa chuki thi. Unhone mobile ka signal check kiya jo abhi bhi available tha.

Dono ko thora aascharya to hua par unhone andar aati taaji hawa aur halki rosni ke shrot ko janane ke baare me utsukta nahi dikhayi. Wo jaanti thi ki prachin Bharat me log eisi engineering ki technique use karke nirman karya karte the jo normal logo ko karisma lgata tha par unke picche bahut hi nafasat se planning karke taiyar ki hui technique hoti thi. Aur yaha bhi eise hi kisi technique se rosni aur taaji hawa ka intazaam kiya gaya hoga. 

Takriban  50  feet aur aage jaane ke baad raasta thora dhalu ho gaya tha. Saath hi chhat ki deewar aur uchi hoti jaa rahi thi. 200 feet aur chalne ke baad gufa jo darwaaje ke paas matra 10 feet ucha tha, abr takriban 15-17 feet ucha ho gaya tha.

Thora aur aage badhne par Aparijita ki nazar gufa ki chhat par tik gayi jaha par paani risne ke nissan dikh rahe the aur saath me waha ki chhat ke kuchh parte bhi gayab se lag rahi thi jo thore duri par niche giri dikh pari. Jisne bhi iss gufa ko apne engineering ke kamal se ek tilsami gufa me badla tha wo prakriti ke iss sararat ka andaza nahi laga paya hoga aur uske tilasmi gufa me paani ne sendh laga di thi.

Aparijita ne bare bag se 2 mining me kaam aane waale helmet nikala aur ek Arpita ko dete hue khud bhi ek pahan liya. Halaki halki rosni aa rahi thi phir bhi gufa ko aur gaur se dekhne ke liye ushone apne helmet ki light on kar di thi.

Arpita chhote se handicam se bich-bich me recoding bhi karti jaa rahi thi. 

Gufa andar se kaafi bara tha.  Ab tak iss prakirtic gufa ki banawat dekh kar yeh dono ke samjah me aa gaya tha ki iss gufa ko lajabab engineering ke dwara iss tarah se modify kiya gaya tha jis se uski originality se jayda chherchhar bhi nahi hua aur kaam bhi ban gaya tha. Yeh ek vastav me lajabab karnama tha.

Chalte-chalte ab gufa ke dono side ke dewaalo par kanhi-kanhi chitra (paintings) bane dikhne lage the. Arpita ne un paintings ko apne aur Aparjita ke helmet ki lights ke madad se record karna suru kar diya. Usne apne mobile se unki kuchh high resolution par still images bhi qaid ki. 

Yaha par ek eisi bhi aakriti ukeri gayi thi jispar painting ka kaam nahi hua tha. Lag raha tha ki unhe ukera gaya tha  par kisi wajah se unme rang nahi bhara jaa saka tha.

Aparijita kucch der tak us aakriti ko dekhti rahi aur iss natije par pahunchi ki unme jaan-bujh kar rang nahi bhara gaya tha; aur wo kisi baat ko indicate kar rahe hain.  Usne apne mobile se us aakiriti ki kai snaps liye aur ek baar phir se unhe samjhane ki kosis karne lagi. 

Us tasweer me ek pathik(traveller) ek doraahe par khara hokar soch raha tha. Ek  raaste par ek hans apne pankh pasare urta jaa raha tha aur dusre raaste par ek ullu(owl) tha.  Hans ke peeche 4 chhote hans  ud rahe the aur unke saath 2 chhote ullu bhi the. Issi tarah dusrei taraf ullu ke peeche 5 chhote ullu ud rahe the aur unke saath 1 chhota hans bhi tha. Iss complete tasweer me iske aage bhi bahoot kuchh bana tha jisme mandir, khet, jung ke hathiyaar bagaira the.

Aparijita kucch der tak tasweer me chhipe sanketo ko samjhane me lagi rahi phir jaisi hi uske samjah me iska kuchh-kuchh arth aaya uske chehre par muskaan chha gayi.

--------------------------                              ----------------------        --------

Tantrik Ki Kahani

Paanch baje Aparijita ke paas Arpita ka phone aaya. Usne bataya ki uski Ritesh aur Ajay Rai ke saath abhi thori der baad meeting hone waali hai. Meeting 2- 2.5 ghante chalne waali thi. 

9.30 bajte-bajte ek ek karke night shift ke staff aane lage. 9.40 par Gopu aaya jiske aate hi night staff ki team complete ho gayi.

Saam ko Aparijita ne Ghanshyam ko bata diya tha ki wo kal jungle me kaafi andar tak jaane waali hai. Ghanshyam ke uske akele jaane par chinta karne par usne use bataya ki wo nadi ke iss hisse me hi rahne waali hai aur uske saath kuchh expert log bhi honge jo unhe wahi milenge; lagatar do din ke encounter ke karan zakhmi staff ki ginti badh gayi hai jiske kaaran wo unhe saath lekar apni speed nahi kam karna chahti hai. Aparijita Ghanshyam  ko muskil viswaas dila paayi ki  khatre waali koi baat nahi hai. 

9.45 par phir se Arpita ka phone aaya. usne batay ki uski gaari me problem aa gayi hai. Arvind use lene aa raha hai, isliye use waha tak pahunchne me takriban 11 baj jayenge.

Aparijita saam se hi North India me mauzod naksali groups ke  baare me Sarfarosh me uplabdh jaankari laptop par padh rahi thi. 

Raat 11 baje.

Aparijita thane ke compund se apne quarter ki aur muri hi thi ki ek gaari ki thane ke compound ke paas rukne ki awaaz aayi.

Aparijita ne mur kar dekha to use Arpita aur Arvind car se utarte dikhe to wo udhar hi chal pari. 

Aparijita ke pahuchne tak Arvind car ki pichhli seats se Arpita ka bara sa suitcase utar chuka tha.  Aparijita ko dekhte hi Arvind ne greet kiya.  

Arpita ne apne kandhe par laptop taang rakha tha. Arvind ne pichhe ki seat se ek bara sa hotcase nikala. Hotcase ko dekhte hi Aparijita ko Arpita dwara ki gayi promise ki yaad aa gayi.

Arvind unhe goodnight kah kar nikal para. 

Arpita ko Arvind ke jariye Premnagar me aaj hue hungaame ki detail khabar thi. 

Arpita ne nikalte waqt kuchh agents ko kucch report collect karne ke liye kaha tha. Raaste me gaari kharab ho jaane ke kaaran wo apne schedule time par Premnagar pahunch kar unse report nahi collect kar paayi thi aur Arvind ke saamne wo iss topic par baat bhi nahi karna chahti thi. 

Arpita ne Aparijita se fresh hokar change karne ko kaha aur khud laptop le kar sabse video confrencing ke jariye report lene lagi.  

----------------------------------------------------

"Aur bata aaj meeting me kya hua."  Aparijita ne Arpita ki video-conference call khatam hote hi puchh dala.

"Hum dinner karte hue baat karenge, nahi to jo itne dur se special khana banwa kar laai hoon wo mazedaar nahi rah jaayega!"

Khana bakai lazzedaar tha. Dinner karte hue dono mission par baat karne lagi. 

"Apu, tu pahle tantrik ke baare me report sun ." Arpita murge ki taang Aparijita ki plate me daalte hue boli. 

"Aagnivesh ka sanyas se pahle ka naam Niranjan tha. Wo khandani raees pariwaar se hai. Uska baap ek bahut hi kaabil vakeel tha jisne court-cases se bahoot daulat ikkatha ki. Iske aalaba uske baap ne share market aur zameen ke businees se bhi bahoot daulat kamai. Chuki Niranjan ki ruchi vakalat me nahi thi, isliye uske samjhdaar baap ne bhi koi jor jabardasti nahi ki. Niranjan ke business me ruchi rakhne ke kaaran uske baap ne use usi ke liye proytashit kiya. Niranjan ko IIM me study ke dauran hi ek multinational comapny me kaafi acchi package par naukri mil gayi. Apne baap ke experience gain karne ke sujhab par usne wo job join bhi kar li thi."

Arpita ne haatho me pakri haddi ke tukre ko khali plate me dala.

"College ke waqt Nirajan kaafi bhogi pravirti ka tha. Uske group me jaydatar eise hi bigre raees larke-larkiya the.  Par Niranjan ne kabhi eisa kuchh nahi kiya jis se uska baap sharminda hota."Arpita ne bhune hue murge ka ek piece utahte hue kaha.

"To yeh bhogi Nirajan swami Aagnivesh kaise ban gaya!" Aparijita ne haath me pakre murge ki taang ka aakhri hissa chabate hue puchha. 

"Aagnivesh 5 saal job karne ke baad khud ka business suru karne aur apne baap ke paas rahne ghar laut aaya tha. Nirajan apne baap se bahut pyar karta tha, jisne bachpan me hi Nirajan ki maa ke gujar jaane ke baad maa-baap dono ka farz nibhaya tha.  Ek saam jab wo apne baap ke saath ek hill station se laut raha tha tab achanak uske car ke upar bahut bara patthar aa gira. Us patthar ke niche dab kar driver aur uske baap ki maut usi waqt ho gayi. Niranjan ko logo ne nikal kar hospital pahunchaya, jaha uski jaan to bach gayi par uske pair ko paralysis maar gaya tha."

Arpita ne dekha ki Aparijita apne haath rok kar uski baaten sunane me khoyi hui hai. Usne iss baar mutton ke bowl se kucch pieces utha kar dono ke plates me daale. Arpita ke issara karne par Aparijita ne phir se khana suru kiya. 

"Us accident ke baad lauta Niranjan aur pahle ke Niranjan me koi mel nahi tha. Car racing, stunt ka saukin Niranjan ab chalne-phirne ke liye power wheelchair ka mohtaj tha. Usne naye business ke baare sochna band kar diya tha. Wo naa hi kisi se milta tha aur naa hi kanhi jaata tha. 2 mahine baad wo ek baar phir se usi hillstation par, jisne uska sabkuchh chhin liya tha pahunch gaya. Daily saam ko wo dur tak apne wheel chair par nikal jaata tha. Par hillstation ka shant vatavaran bhi uske man me shanti nahi laa paya tha. 

Eise hi ek saam use lautne me kucch jayada der ho gayi. Hotel lautate waqt deka ki ek bike ko ek tempo side maarte hue nikal gaya. Bike dhakke se unbalance hui aur road ke dusre taraf railing ki or jhapti. Railing se takra kar bike teji se uchhali to us par swar banda uske jhatke se hawa me ur sa chala. Bike sawar wahi khare ek per se takra kar niche gir para. Idhar bike biker ke per se takrane se pahle hi niche khai me gir gayi thi. Niranjan teji se us taraf apne whellchair ko le gaya. Usne railing ke paas jaa kar jhanka to use bike-sawar sarak se thora niche chhatano me fasa hua dikha aur uske sar se teji se khun bah raha tha."

Baatchit karte rahne ke karan khane ki speed bahoot dheemi thi. Waise bhi aaj ke hungame ne Aparijita ko dhang se luch bhi nahi karne diya tha. Arpita ne salad ki plate khali dekh kar abhi apna haath udhar se hataya hi tha ki Aparijita ne use bhar diya. Arpita khate hue phir aage ki kahani batane lagi.

"Nirajan ne biker ko awaz di to usne chilla kar bataya ki uske ek paun ki haddi sayad tut gayi hai jiske karan wo upar khud se nahi aa sakta hai. tabhi us chaatan ka kuchh hissa tut kar niche gira to us bande ne Niranjan se jaldi kuchh karne ko kaha. 

Dur-dur tak sannata tha aur koi madad ki umeed nahi thi. Iss baat ke 100% sambhavna thi ki Niranjan ke hotel jaake madad lane se pahle wo banda tutati chataano ke wajah se khai me gir jaata. Aaj Niranjan ko apna mobile naa lane ka dukh hua jo wo logo ke phone call se bachne ke liye chhor aaya tha. Nirajan ko dhyan aaya ki kisi aur wajah se usne 1-2 din pahle ek rassi ka bundle wheelchair ke box me rakha tha. 

Niranjan ne jaldi se wo raasi us per se baandhi aur rassi ka sira niche latka diya. Usne wheel chair ko railing ke dewaar me iss tarah se adjust kiya ki wo niche naa gire. Phir Niranjan ne rassi ka dusra sira biker ki or uchhal diya. Us bande ne rassi ko apne kamar me baandh chilla kar Nirajan ko bataya. Uske baad Niranjan ne kis tarah biker ko bahar nikala wo use khud bhi nahi pata chala. Us waqt use lag raha tha ki jaise uske papa maut ke munh me phase ho aur use madad ke liye pukar rahe ho.  Upar aate hi biker khoon ke adhik bahne se behosh ho gaya. 

Niranjan se gaur se behosh biker ko dekha to paya ki biker ek adher sa banda tha jo side se dekhne par uske papa sa dikhta tha. Sayad yehi karan tha jiske karan Niranjan ko uske papa ki madad mangne jaisa laga tha. Nirajan ne jaldi se apne fisrt-aid box ki dawaio ki madad se uske maathe ke zakham se khoon bahne se roka. Ab musibat iss bande ko doctor tak le jaane ki thi. Bari muskil se Nirajan ne use wheel chair ke hattho par litaya aur use hotel ki aur lekar chal para. Raaste me hi Niranjan ko uska vafadar driver mil gaya jo der hone se use dhoondhta hua aa raha tha. Phir dono ne us bande ko hospital tak pahunchaya. " Arpita ne paani ka ek ghoont pite hue apni baat puri ki.

"Bravo, Nirajan ki himmat aur uske zazbe ko salam!" Aparijita ki hontho se nikal para.

"Hospital me pata chala biker ki haddi tuti to nahi thi phir bhi biker ko 2-3 hafte hospital me hi rahna parega. Nirajan us bande se milne daily hospital jaata aur uske saath kaafi baaten karta tha. Prashant naam ka yeh banda kaafi hasmukh aur dharmik pravirti ka tha. Niranjan jab Prashant ke paas hota to uski baato me apna saara gam bhul jaata.  Paanchwe din jab Nirajan hospital pahuncha to waha ek geruya kapre pahne bilkul safed baalo aur daadhi wale sadhu ko baitha paya. Prashant ne unka parichay apne guru ke roop me karwaya. Unhone Niranjan ko bataya ki wo Prashant ko apne ashram me le jaane aaye hai jaha wo jari-bootiyo se 2 din me chalne phirne lagega. Niranjan ko unki baato par viswaas to nahi hua tha par Prashant ke israr par wo use discharge ki khana-purti karke apni car se unhe chhorne chal para. Us sadhu ne jungle me apna ashram bana rakha tha jaha car se utar kar Prashant driver ki madad se pahuncha. Ashram ka shaant vatavaran Niranjan ko bahut bhaya. Niranjan ke zor dene par use bhi waha kuchh din rukne ka permission mil gaya."

Aparijita ko lagne laga tha ki sayad yehi sadhu Niranjan ka guru hoga par usne pucchne ke vajaye kahani ko apne raftaar se hi badhne diya. Arpita  jo paani ka ek ghunt bharne ko ruki thi aage batane lagi.

"Niranjan ka driver agle hi din Niranjan ka saman waha pahuncha gaya. Waha Niranjan ko pata chala ki inn sadhu ka naam koi nahi jaanta par jari-butiyo aur mantra-tantra ke jariye asambhav ko sambhav kar dikhane ke kaarn log unhe Adhbhutanand kahne lage aur yehi inka naam par gaya. Aascharyajanak rup se Prashant mantr-tantr aur jari-butiyo ke lep se chauthe hi din chalne-phirne laga. Niranjan ne usi saam Prashant ko sakuchate hue apne baare me Swamiji se baat karne ko kaha to Prashant ne bataya ki Swamiji ne khud hi use aaj raat 12 baje hawankund par akele aane ko kaha hai. Us raat Swamiji ne Niranjan ko hawankund ke jal rahi samidha ki pavitra rosni me uske pichhle jeevan ki kai tasweere dikhalyi or uski purvjanam me hui dosh ke baare me batlaya jiske karan uski yeh halat hui thi. Unhone use 3 mahine asharm me sadharn vayakti ki tarah rahne ko kaha aur aasha di ki sayad wo yaha se apne pairo par chal kar jaayega. "

Arpita ne apne shorta ki aur dekha jo kisi eisi chhoti bacchi ki tarah uski baaten sun rahi thi jaise koi bacchi naani maa se kahani sunti ho.

"Niranjan ne apne driver ko wapas bhej diya aur kisi sadharan insaan ki tarah waha rahne laga. Wo ashram me ho rahi gatividhiyo me shardgapurvak bhag lene laga. Saath me uska illaz bhi chal raha tha. Niranjan ko pata bhi nahi chala ki kab wo mantra-tantra me ruchi lene laga. 3 mahine pure hone ke 2 din pahle Niranjan ke pure sarir me lep laga ke use kuchh khash prakar ke paato ke bichhaban par leta diya gaya, phir uske upar se bhi kai dusre tarah ke patte daal diye gaye. 3 din baad jab lep utara to Niranjan apne pair ko hila paa raha tha. Agle ek hafte me wo dheere-dheere chalne bhi laga tha. Niranjan ne Swami Adhbhutanand se use apna sisya bana lene ke liye anurodh kiya. Niranjan ko Adhbhutanand ne bataya ki wo use tabhi sisya banyege jab wo pratigya karega ki wo eisho-aaram ko chhor kar unke kaam ko aage badhayega. Niarnjan ke turant taiyar ho jaane ke baawjud unhone use 60 din ke baad phir se vichar karke aane ko kaha. Niranjan 60 din baad phir waha vapas lauta aur agle 3 saal tak Swami Adhbhutanand ke samadhi lene tak unse tantra-mantra aur jari-butiyo ka gyaan leta raha. Swami Adhbhutanand ne shaktipaad ke jariye use apni kai vidhya sneh ke rup me bhi di jiske liye Niranjan ko koi sadhna nahi karni pari. Swami Adhbhutanand ke samadhi ke baad wo Sonbhadra aa gaya aur apni saari property ko bech kar usne Ashram banya. Niranjan ne apne business mind ka use karke eisa bandobast kiya ki use kisi se daan lene ki jarrorat nahi rahi aur saath hi usne apne itne dino ke bafadar driver ko bari daulat di!"

Ab tak Arpita aur Aparijita ka khana khatam ho chuka tha aur wo jhute bartan samet rahe thee.

"Apu, kuchh mahine pahle Aagnivesh ne kisi minister ko uske kisi galat baat par zalil karke apne ashram se nikalwa diya tha. Us minister ne khundak me CBI me complain kiya tha jiske karan Niranjan ki CBI walo ne bhi kaafi jaanch-partaal ki, unhe kuchh bhi galat nahi mila. Hamari abbhi tak ki jaanch me bhi wo paak saaf dikh raha hai. Tumhari yaha ki reports kya kahti hai?" Kitchen ke sink me bartan rakhte hue Arpita ne Aparijita se puchha.

Haath dhoo kar dono drawing room me laute to Arpita ne sidhe bedroom me chalne ko kaha.

"Aru, Yaha ke mukhbiro ya staff ne abhi tak uske baare me koi negative report nahi di hai. Aur naa hi ki jaa rahi recording me kuchh sandehjanak mila hai. Sirf AK-47 waali baat se us par sandeh ka karan bana hua hai." Aparijita boli. 

"Apu, maine uske ashram me rahne waale saare logo ki file check karwayi hai. Shera ke aalaba kisi ka bhi past bura nahi hai. Tumhe main bata chuki hoon ki kis paristhithi me Shera Aagnivesh se jura tha. Ho sakta hai ki isme Shera ka khud ka haath ho."

"Sayad tum theek kahti ho. Kucch din unpar aur nazar rakhti hoon phir sidhe Shera se pucch-taach karungi.  Are, tu uske kamar me tatto ke roop me likhe mantra ke baare me bhi batane wali thi ! "

"Wo Aghor panth ka mantra hai jiske baare me kaha jaata hai ki wo sarir-raksha ka mantra hai. Sonbhadra me  aane  ke 6 mahine baad hi Niranjan yaha ka kaam apne chelo ko saup kar aghor panth ke sadhak Meronath  se aghor tantra sikhne chala gaya tha. Wahi uski mulakat ek videshi professional tatto artist gori larki  Julie  se hui thi jo khud iss tantra ke marg me bahut aage badhi hui thi.  Meronath Aagnivesh ke guru ka bahoot bara prashansak tha aur use pata tha ki Aagnivesh Adhbhutanand ka sabse kaabil sisya hai aur use Swami Adhbhutanand ka kaam aage badhane ke liye chuna gaya hai.  Swami Adhbhutanand ne samadhi lene se pahle Meronath ke paas khabar bhijwaayi thi ki aane waale waqt me unka sisya unke paas aghor tantra ke baare me gyan lene aayega.  Meronath ne sadhana ke baare me Niranjan ko dil khol kar bataya aur use Julie ke sahayata se sidhh karne ko kaha. Jab saari theoretical gyan Meronath ne Aagnivesh ko de diya tab   Meronath ke aadesh par Julie Aagnivesh ke saath Aagnivesh ke aashram me aai aur takriban 1 saal tak ruk kar Aagnivesh ko Aghor tantra parangat hone me sahayata dekar wapas apne desh laut gayi." 

"Accha bata wo nakxali waale aur Jagga waale mamle me baat kaha tak pahunchi?" Aparijita ne puchha.

"Jagga ke baare me report hai ki use apne chhupaye hathiyaar le jaane ke liye 3 hafte ke baad kabhi bhi aane ki izzazat hai.  Usko parso hi ek 4 din baad ka time diya gaya tha par lagatar 2 din hue encounters ki wajah se aaj saam hi use 3 hafte ke baad kabhi bhi mauka dekh kar yaha se saare hathiyaar nikalne ke liye kaha gaya hai. Abhi use kisi bhi halat me Premnagar ke aas-paas bhi jaana allowed nahi hai.  Isliye Apu tu to 3 hafte uske taraf se nischint rah!"  

"Accha, Nakxal aur aatankbaadi group ke baare me kya report hai. Aaj to teri chief se iss par baat bhi hui hogi. " Aparijita ne Arpita ke baalo ko sahlaate hue kaha.

"Abhi tak Sarfarosh ke members ne nakxali  aur aatankbadio ki  ek list bana li hai jo iss sazish me saamil ho sakte hain. 3-4 din ke andar hamare paas pakki jaankari hogi ki wo kaun kaun se group hain. Hamari musibat yeh hai ki hum nakxalio ke group jaan kar bhi vishesh kuchh nahi kar sakte. Isliye hamara main target aatankvadio ko bare haadsa karne se rokna hai. Nakxals ko Central Reserve Police Force (CRPF) and dusre forces apne tarike se handle karenge. Us maare gaye naxali se mili suchna dusre security agency ko bhi di gayi hai aur wo apne taur par usme lage hue hain; par wo humse bahoot pichhe hain. Hume 3 eise professional ke baare me bhi jaankari mili hai jo iss kaam ka planning kar sakte hain aur training de sakte hain." Arpita bata rahi thi.

"Un me se ek ko yaha ke jungle se kuchh ajeeb sa lagab hai jiske karan wo ek baar training aur planning  karne ke baad yaha ke jungle me aake aaram karta hai aur satellite phone se apne team se contact me rahta hai. Halaki iss bar ke program ke anusaar jo bhi planner hoga wo ek baar final training dene aur plan samjhane ke baad apne team se contact nahi rakhega aur aage har team apne leader ke anusaar chalegi. Waise yeh bhi 3-4 din ke andar pata chal jaayega ki kaun sa professional hire hua hai. Hum puri kosis karenge ki kisi tarah hume training ki jagah pata chal jaaye to hum hamla karke unhe pakar len par yeh sambhavana nahi dikh rahi hai.  Tumhare reports ke recommandation ke base par 10 aur members ko kal se hi iss kaam par laga diya jaayega. Aasa hai ki 3-4 din me humare paas aur bhi thos jaankari hogi. "

------------  *      -------------